بلاغ هام .
بلاغ هام .
يعلم رئيس بلدية البئرالأحمر أصحاب المهن الصغرى اللي باش يرجعو للخدمة ..نهار 04 ماي …اولا اخلص الهاني بمناسبة عيد الشغل العالمي …و أهم توصية هي مواصلة التوقي لسلامة الجميع و التقيد بكل شروط السلامة ….. نهار 04 ماي العودة للعمل باش تكون بتصاريح أو ترخيص كيما اللي موجود في الصورة المرافقة … المطلوب هو تعميرها و تكون مطبوعة من المصالح البلدية باش تنجم تستانف خدمتك …. الوثيقة هاذي موجودة في الرابط التالي :
http://www.collectiviteslocales.gov.tn/circulaire/
يعني موش لازم تمشي للبلدية و تشد الصف و تضيع سوايع من وقتك و ممكن تكون سبب في إزدحام … الترخيص موجود في الرابط هذاكا تهبطو و تعمرو و تخليه عندك و الفرق المختصة سوى شرطة بلدية ولا مراقبة صحية تابعة للبلدية هيا اللي باش تجيك و كي تلقاك ملتزم بالشروط الكل تطبعلك في الترخيص متاعك و تخدم و ربي يعاون الجميع ….والمواطن الي منجمش يسحب الإستمارة يتسلمها من الأعوان البلديين أو الشرطة البيئية أو رجال الأمن اللي يتولو تفقد إجراءات الحجر الصحي الموجه شكرا على التفهم .
#الخلاصة_منغير_ماتمشي_اتشد_الصف
